My Blog RSS



吸引力法則 ——— 如何將願望「升呢」?

吸引力法則 ——— 如何將願望「升呢」? 上次講咗第一至三步,唔知大家有冇開始嘗試及研究吓呢?如果已經開始咗一至兩個星期,可能事情已經慢慢開始發生,你會開始感到它奇妙之處。   今次會講吓,如何更加精準地向宇宙說出自己所想。   上次講過要將自己所想用對的說話說出來。今次我就會叫大家將自己所想的「圖像化」。意思是你要先假設自己已經得到你想要的東西,然後想像當刻的滿足感。你要幻想自己處於那個滿足的時刻,看到自己的笑容和心情的愉快。所有東西於圖像化時,越details越好。閒時就重複那種感覺,這個方法會令你的能量散發出來的頻率更大。   第二件事,我會鼓勵大家將自己的想法想大一點。喺宇宙來講,冇乜嘢係冇可能。只係你夠唔夠膽去想像。   另外,亦有些東西想提醒大家。我哋的慾望好多時候都係因為我哋對現狀的不滿或不安。請小心將你的願望說出來的時候,你的心情其實仍是不安或不滿。之前講過,宇宙係唔會分到什麼是好或不好,只會從你心底來的慾望及思想去作出回贈,所以如果你抱着負面的情緒去渴求,宇宙給你的並不會是100%正向的回報。所以,最基本的還是應該要將自己的負面思想、自己對生活的不滿先放下。你要好好接受現狀,要懂得感恩,要對身邊的人和事都充滿善意。凡事都是持以正向正念的思想,緊記要先做好人好事,才會吸引到好人好事。   - Hilda

Continue reading



吸引力法則 🧲

  吸引力法則 🧲   好多年前,我成日同我身邊嘅朋友講,我發現咗「只要你諗就會有㗎啦!」。大家都以為我傻傻地,但係當時我真係喺工作上經歷到呢樣野。例如,我好鍾意一個燕麥嘅品牌,嗰陣時成日都諗如果有機會可以同佢地合作就好啦。但係呢啲品牌合作,唔係話你想佢搵你就搵你㗎嘛。嗰時只係好輕鬆地去想像,但竟然係兩三個星期之後,佢主動過嚟搵我合作!呢類型嘅「巧合」,其實真係發生咗好多次。但係當時我都冇特別留意,只係覺得咁神奇嘅?事隔10年後,我終於了解到呢啲原來就係「吸引力法則」。   首先,究竟吸引力法則係啲咩呢?首先大家都應該有聽過近朱者赤近墨者黑,我覺得呢樣嘢有少少相似。即係你越群埋同一類的人,散發出同一類嘅感覺,大家做嘅事情就會一樣,得到嘅結果就是那個方向的東西。 即係話一班正向的人聚在一起,大家做的事情都會比較靜面,得出來的結果也比較正向。相反如果一班人大家都哭哭啼啼,或者非常負面,得出來的結果可能會好唔同。宇宙係唔會知道你想嘅事情係正面或負面。佢會根據頻率,你不停想那件事情的次數和能量,而作出相對應嘅回應。 咁你可能會問,如果我想要錢,咁係咪不停諗我要錢我要錢,宇宙就會俾錢你呢?當然,你去輸出呢啲想法嘅時候,都需要一啲技巧或守則。 等我簡單地將我嘅經驗、及搜集得來嘅資料,做一個懶人版,等大家可以先了解然後再練習。   第一步,是要「相信」。你要相信吸引力法則真的可行。你如果不停輸出你想要的事情,但係下1秒又會覺得其實邊有咁可能呀?邊有咁筍㗎?呢啲咁奇怪嘅嘢可以試吓嘅,但係我唔覺得得囉。呢一切,最終宇宙得到嘅訊息係 — 你根本不相信及不需要。   第二步,先「感恩」。呢一步係訓練你將事情轉向正向嘅其中一個方法。記住,你輸出正向的信息就會得到正向的結果。但當你輸出負面的信息,負面的事情就會接二連三地發生。就算你覺得自己現在的情況有幾糟糕,其實總有值得感恩的地方。   第三步,將所想的東西用「對」的言語說出來。何謂「對」的語言?簡單地說,如果你覺得金錢是你很需要的,你唔會講「我要錢我要錢」,反而你應該要講「你想要一個豐足的生活」。又例如你想是非少,你唔會講「我想是非遠離我」,反而你要講「日日人緣好、大家互相幫助及扶持」。Get到當中的竅門嗎?   今次先講呢三個步驟,大家先慢慢領略,然後可以開始嘗試。先不要想到太大,慢慢練習,逐步逐步來。緊記,感恩及正向的意念是很重要的。   - Hilda

Continue reading



OMG的生酮副作用+解決方案

上回講到生酮有咩“副作用”,例如:便秘、生酮口氣、酮疹、甩頭髮、酮流感(頭暈、疲倦)、情緒改變。 放心,你未必會經歷晒。但我覺得你開始前要先了解,同埋睇吓我以下的建議,應該可減少發生的機會。 副作用問題及建議解決方案: 便秘 - 食返多啲菜,最好每次都食唔同的菜,然後要加足夠的油和蘋果醋。亦可以食選擇多點進食 chia seed pudding(即chia seed 加植物奶浸至凝固,亦可加洋車前粉一同拌勻,增加纖維素,但同時要多喝水!) 生酮口氣 - 之所以會有口臭,是因為酮體中的丙酮是動物脂肪新陳代謝的副產品,會在呼氣和排尿的時候排出,所以我的解決方法係勁飲水或飲薄荷茶 酮疹 - 飲粉紅岩鹽檸檬水、進食魚油丸、太嚴重者轉做低碳飲食,數周後會好轉 甩頭髮 - 食得未必夠多好油及其他食材,導致身體缺乏電解質及礦物質,因而導致脫髮,我的方法係進食supplements、益生菌和飲大骨湯 酮流感 - 頭痛頭暈、發冷、反胃等症狀,原因係身體喺生酮之前一直慣常以葡萄糖作能源,現在飲食一變,身體未習慣就會產生這些症狀。我都喺第5日左右中咗,我會建議飲粉紅岩鹽檸檬水,或者食少許全黑朱古力,抖兩日就冇事。 情緒問題 - 個人認為吃太多紅肉會暴躁,可以轉吃不同肉類,記住吃對脂肪而不是多肉類。   下回預告:幾耐先會入酮?生酮遇到最難的係?

Continue reading



開始生酮前一定要知的4個要點!好處壞處概覽~

於數月前,我決定親身研究不同的飲食方式。生酮絕對係我第一個諗到的,因為身邊有數位朋友都在實踐中,看著他們的減肥效果都很顯著,而佢哋都有一個共通點,就係個個都好有心機去講、去研究當中的食譜。心想係咩令到佢哋咁著迷生酮飲食的呢?所以決定親身嘗試。   生酮是什麼? 用最簡單的說法 - 人體慣常將”澱粉質“轉化成”醣“而成為身體所需的能源,而生酮飲食就是將飲食中的澱粉質吸收減至最低,身體因為缺少醣份,從而只可利用“體內或飲食中吸收的脂肪”轉化成“酮體”成為能源。   生酮飲食點食法? 70-75% 脂肪、20-25%蛋白質、5%澱粉質(呢個澱粉質絕對唔係叫你食一啖飯或麵包,而係本身菜類或其他食物當中都會有澱粉質)。請再留意個比例,脂肪係好多的,蛋白質算少,所以絕對唔係“食肉減肥法”。太多蛋白質對於生酮飲食嚟講都係唔正確的,因為肉類(蛋白質)吃太多,導致醣質新生,無法生酮。糖質新生是身體透過分解蛋白質創造葡萄糖,主要發生在肝臟之中。   生酮是用來減肥的嗎? 可以,7成人用來減肥,3成人用來維持健康,例如控制糖尿病。   生酮好處? 食慾管理得很好、精神飽滿、皮膚狀態很好、減肥效果十分顯著及可以持續。   生酮會有咩“副作用”? 便秘、生酮口氣、酮疹、甩頭髮、酮流感(頭暈、疲倦)、情緒改變   睇到呢到,覺得啲問題好似好恐怖?唔好卻步住,總有“解決方法”。生酮的好處總比“問題”多!😊   請繼續留意下一篇網誌~ 預告:生酮副作用可以解決嗎?

Continue reading



Ms Kinny Coffee 代謝咖啡 VS Cocoa 阻醣可可

究竟代謝咖啡同阻醣可可兩者有咩分別呢?你又需要邊盒呢?呢個video一次過講解比你聽! Ms Kinny Coffee & Cocoa 💗粉紅盒「高代謝咖啡」☕️💛黃色盒「阻醣可可」🍫兩款產品成份全天然,配方喺美國制定,新加坡製造。 💗 ☕️「高代謝咖啡」利用以下成份幫助身體調節自身嘅新陳代謝率和增加能量,從而幫助燃燒本身的脂肪,達至減重。 「咖啡」主要成份:綠咖啡提取物:高抗氧化、减少葡萄糖的吸收L Glutamine (L谷氨酰胺):增加蛋白質,保持肌肉量L-carnitine :提升脂肪代謝率,特別於運動期間燃燒更多能量及脂肪Guarana 瓜拉那:豐富的咖啡因來源,有助促進新陳代謝,幫助於身體休息時燃燒更多卡路里(有研究指出可以在12小時内將新陳代謝率由3%增加至11%)Coconut oil 椰子油:含甘油三酯、脂肪酸可促进新陳代謝,亦有助於減低食慾 💛 🍫「阻醣可可」可以阻隔吸收過多碳水化合物分解後的醣份及脂肪。味道似特濃黑朱古力,但只得32卡路里!飲完有飽肚感,可以抑制食慾、降低血糖水平。如果平時鐘意食carbs同甜品嘅,呢杯就最最最啱 👍🏻  「可可」主要成份:甲殼素:阻礙脂類的吸收,有利於膽固醇轉化天然可可:有助新陳代謝、高抗氧化、多纖維助排毒白腰豆:能阻撓體內產生分解碳水化合物的消化酵素,從而減少分解後的醣份。白腰豆最主要針對腰間的脂肪 L-Glutamine同L-Carnitine,前者係幫助增加蛋白質,增加飽肚感,而靚嘅蛋白質用嚟製造肌肉,肌肉就係用嚟燃燒脂肪的好幫手🏋🏻‍♂️(所以點解咁多人做gym要長肌肉)!後者則係用嚟增加新陳代謝,好等脂肪轉化快啲,唔好留喺度做贅肉🙅🏻‍♀️ 🌟 🥛兩款產品飲用方法:每日飲用1-2杯,用暖水或熱水冲調,喜歡凍飲嘅可以加冰塊拌勻飲更滋味~☕️🥛如果想效果快啲、顯著啲,可以每日飲1-2包,但各款每日不要飲多過兩杯「咖啡」建議於每日下午5時前飲用,以免影響睡眠「可可」可於任何時間飲用,建議午餐和晚餐前飲一杯「可可」就可以阻隔碳水化合物的吸收,亦因為佢有好明顯嘅飽肚感覺,所以達至用餐時減少進食過多份量的效果飲用「可可」後一小後才食用維他命或其他藥物💊,以免影響吸收如果每日飲用,最好飲用三個月後就停一個月,以達至最佳瘦身效果如果體重達至理想的成績之後,無需再日日飲,一星期飲3-4次就可以㗎啦👌🏻👍🏻此飲品有咖啡因,如飲用後有心悸(快速/不規則的心跳),請每周减少飲用次數🙏🏻 🚫不適用者:小童、孕婦、心臟病者或類同病患者,有需要先請示醫生。

Continue reading